Álfsnesvík

Nýtt athafnasvæði

Á athafnasvæði Björgunar og er sérstök áhersla lögð á hringrásarhugsun og sjálfbærni í starfseminni.

Meginhluti starfseminnar fer fram í Álfsnesvík, þar með talið efnis- og steinefnavinnsla fyrir mannvirkjagerð. Björgun aflar hráefna til framleiðslu á sandi og möl til mannvirkjagerðar úr námum á hafsbotni Kollafjarðar, Hvalfjarðar og Faxaflóa. Þaðan er efnið flutt til lands í Álfsnesvík til frekari vinnslu, þar sem það er þvegið og flokkað eða brotið áður en það er tilbúið til afhendingar og sölu.

Öflug og háþróuð vinnslusamstæða

Vinnslusamstæða

Ný vinnslusamstæða Björgunar er háþróuð, afkastamikil og sérhönnuð fyrir efnisvinnslu á sjávarefni og getur afkastað allt að 400 tonnum á klukkustund.

Í meginatriðum er flæðirit samstæðunnar svo hljóðandi að fyrst er hráefnum mokað í matara. Matararnir skammta efninu á færiband í ákveðnum hlutföllum sem leiðir það í þvottahörpu. Þvottaharpan þvær salt og fínefni af efninu og flokkar það í framleiðslustærðirnar. Sandurinn er leiddur í sandþvottastöð sem stillir fínefnahluta efnisins, getur tvískipt honum í fínsand og grófan sand og aukið þvott ef þörf er á.

Fínefnið og vatnið frá sandþvottastöðinni er dælt upp í vatnstank þar sem bætt er við felliefni og fínefnin botnfalla. Vatnstankurinn hefur yfirflæði í ferskvatnstank þar sem á sér stað blöndun á ferskvatni og skolvatni sem er endurnýtt aftur út í hringrásina sem dregur verulega úr vatnsnotkun.